وصفت زبشر ہم ناممکن، ہستی ممدوحِ خدا جانا
من یاہی وچار کرت نِسدِن، توہے پرکھن ہار نے کیا جانا
کہتی ہے یہی چشمِ حق بیں، میں نے تو تجھے یکتا جانا
’’لَم یَاتِ نَظیرُکَ فِی نظرٍ، مثلِ تو نہ شد پیدا جانا
جگ راج کو تاج تورے سر سوہے، تجھ کو شہ دوسَرا جانا‘‘
رحمے اے شافع روزِ جزا، شد غرقۂ بحرِ گنہ دلِ ما
من کو ہے روگ لگا اُن کا، جن چاہے نہ آپ ملیں نہ خدا
کرتا ہوں یہی دن رات دعا، اے ساقیِ چشمۂ کوثر آ
’’اَلبحرُ عَلاَ و الموَجُ طغیٰ، من بیکس و طوفاں ہوش رُبا
منجدھار میں ہوں بگڑی ہے ہوا، موری نَیّا پار لگا جانا‘‘
بگذشت بہ لہو و لعب طفلی، ایامِ شباب بہ ہجرِ نبی
اب تیرے نیٖت کی لاگ لگی، پاچھے پران نکس جائی
جز تیرے نہیں دنیا میں کوئی، جو روز وہاں جائے قطعی
’’یَا شَمسُ نَظَرتِ اِلیٰ لیَلیِ، چو بہ طیبہ رسی عرضے بکنی
توری جوت کی جھل جھل جگ میں رچی، مری شب نے نہ دن ہونا جانا‘‘
من تیٖرہ نصیب، سیاہ عمل، دارم ہمہ عقدۂ لَا یَنْحَل
نہ تو کاہُو کی آس نہ کاہُو کا بَل، موری چِت کو دِھیر نہیں اِک پل
اب تُو چاہے تو ملے موہے کل، تَر ہو سُوکھی ہوئی کِشتِ اَمل
’’لَکَ بَدرٌ فِی الْوَجہِ الاَجمل، خط ہالۂ مہ زلف ابرِ اجل
تورے چندن چندر پرو کنڈل، رحمت کی بھرن برسا جانا‘‘
تا چند کُشم بہ فراقِ تو غم، تا کے خور و نوش سِرشکِ اَلم
مہراج کا راج بڑھے جھم جھم، سُدھ کاہے بِسار دِیَوْ پیتم
میں تشنۂ شوق ہوں تیری قسم، تپِ ہجر سے اب ہے لبوں پہ دم
’’اَنا فِی عَطَشٍ وّ سَخَاکَ اَتَم، اے گیسوئے پاک اے ابرِ کرم
برسن ہارے رَم جَھم رَم جَھم، دو بوند اِدھر بھی گرا جانا‘‘
از گردشِ بخت و جفاے فلک، ہستم در امن و اماں اِینک
اب جات رہی جِیَرا کی کسک، نہ وہ ٹیس نہ پیر نہ دکھ نہ تپک
لیکن یہ مزا ہے اِسی در تک، اِس میں نہیں شک اِس میں نہیں شک
’’یَا قاَفِلَتیِ زِیدِی اَجَلَک، رحمے بر حَسرتِ تشنہ لَبَک
مورا جِیَرا لَرجے دَرَک دَرَک، طیبہ سے ابھی نہ سنا جانا‘‘
یا شاہ خبر گیرِ امت، زارم بارست غمِ فرقت
مل جائے دئی توری کارن مت، مورے سیس سوار ہے پیل کوست
حسرت ہے اگر تو یہی حسرت، کہ وہیں بھول جائے مجھے قسمت
’’وَاھاً لِسُوَیْعَاتٍ ذَھَبَتْ، آں عہدِ حضور بارگہت
جب یاد آوت موہے کر نہ پرت، دردا وہ مدینہ کا جانا‘‘
چہ کنم شکرِ کرمِ تو ادا، نہ دہن دارم نہ زباں بہ خدا
داتا تورا راج بڑھاوے سِوا، حرماںؔ کی بھی ہے نِسدِن یہ دعا
ملنے میں جو مجھ کو ملا ہے مزا، واللہ! میں کچھ کہہ نہیں سکتا
’’اَلرُّوحُ فِدَاکَ فَزِدْ حَرْقا، یک شعلہ دِگر بَرزن عِشقا
مورا تن من دھن سب پھونک دیا، یہ جان بھی پیارے جلا جانا‘‘
تضمین بر نعت مولانا احمد رضا خان بریلوی
تضمین نگار: بی بی سعید النساء حرماںؔ خیرآبادی بنت علامہ فضل حق خیرآبادی
والدہ: مضطر خیرآبادی – دادی : جاں نثار اختر – پردادی : جاوید اختر
.png)
.png)
Leave your comment