کس قدر مشک اور عنبر میں نہائی ہوئی ہےصبحِ میلاد بھی کس شان سے آئی ہوئی ہے! کس قدر فرحت و نکہت کی فضا چھائی ہےجیسے اس خاک پہ جنت سی اتر آئی ہے لیکن اس حال میں اس دل کا ہے کچھ حال براکچھ تمنائیں ہیں دل میں تو زباں پر شکوہ پہلا موقع ہے قلم مدح پیمبر میں چلاپہلا موقع ہے کہ فریاد میں رونا آیا نعت کیا لکھوں کہ مجبور ہوں لاچار ہوں میںبارِ عصیاں غمِ دوراں سے بھی دوچار ہوں میں ذات جب خود ہی محمد ہے تو مدحت کیسی؟روشنی کی بھلا خورشید کو حاجت کیسی؟ مصطفیٰ امتِ بے کس کی یہ فریاد سنونالۂ درد فغان دل ناشاد سنو اک طرف کفر کی آندھی ہے کہ رکتی ہی نہیںموجِ طوفانِ بلا ایسی کہ تھمتی ہی نہیں آتشِ کفر جلاتی ہے مرے خرمن کونارِ الحاد نے برباد کیا گلشن کو دوسری سمت مسلماں ہے مسلماں کے خلافگویا ایماں ہی کھڑا ہوگیا ایماں کے خلاف فرقہ بندی کا دھواں اٹھتا ہے اپنے گھر سےتیر تکفیر کا چلتا ہے یہاں اندر سے کہیں اسلام نہیں ہے کہیں ایمان نہیںکیا مسلمان کے اندر بھی مسلمان نہیں؟ بھیڑیا کفر کا بھوکا مرے دروازے پراژدہا غیظ کا تکفیر کا کاشانے پر جل گیا میرا فلسطین عراق وافغانجل رہا ہے مرا کشمیر، مرا ہندوستان اب بھی برما کے سمندر سے دھواں اٹھتا ہےاب بھی خاکسترِ گجرات میں کچھ جلتا ہے اب بھی بنگال میں کچھ لوگ ہیں بے گھر، بے دراب بھی کچھ لوگ بنے پھرتے ہیں دریوزہ گر موب لنچنگ نے کیے ہیں مرے اوسان خطااب تو انساں نظر آتا ہے درندہ جیسا وطنِ ہند پہ اب وحشت و ظلمت چھائیگنگا میلی ہوئی، جمنا بھی مری گدلائی رحمتِ عالمیاں! ہند پہ احساں کیجےپھر سے انسانوں کو آقا مرے انساں کیجے یک نظر چشم کرم مصطفیٰ فرمائیے پھرمصطفیٰ امتِ بے کس پہ رحم کھائیے پھر مصطفیٰ بارِ غمِ دل کو کچھ ہلکا کیجےمصطفیٰ جبر کی چکی سے نکلوائیے پھر مصطفیٰ آپ کی امت ہے بھنور کی زد میںمصطفیٰ ساحلِ راحت پہ پہنچوائیے پھر مصطفیٰ غم سے پھٹا جاتا ہے سینہ میراکچھ دوائے دلِ مضطر ہمیں بتلائیے پھر لوٹی اٹھلاتی ہوئی باد صبا میری طرفلائی پر کیف یہ پیغام، صبا میری طرف کیوں پریشان ہے بے چین ہے مضطر ہے تو؟جان کونین ہے رشک مہ و اختر ہے تو تو عروس حرف کن بھی ہے اے سروچمنتیرے ہی واسطے وارد ہوا ہے لا تحزن بات کچھ بھی تو نہیں تو نہ پریشاں ہوناتجھ پہ لازم اے مسلمان! مسلماں ہونا میری تصدیق کرو شرحِ معانی چھوڑوتھام لو حبلِ محمد کو کہانی چھوڑو چھوڑو ہر فسق کو اور کفر کی ہر نسبت کوفرقہ بندی کو بھی تفریق کی ہر لعنت کو چاہتے ہو اگر اسلام کا اونچا ہو علَمسر نگوں کفر ہو، الحاد کی گردن ہو قلم مجھ کو مانے جو کوئی اس کو مسلماں جانواپنے باغی کو نہ تم باغی ایماں جانو بعد ازاں نقش کف پائے محمد پہ چلوصبغۃاللہ میں رنگ جاؤ مسلمان بنو درس اقرأ کا پڑھو پیکر اخلاق بنوینفع الناس پڑھو نائب خلاق بنو تشنگی ختم ہے گر ہاتھ میں ہے بادہ و جامہر مسلمان سلامت ہے بشرطِ اسلام نتیجۂ فکر: ذیشان احمد مصباحی  

• Zishan Ahmad Misbahi
• 11/11/2019

کہیں روتی ہوئی شبنم ، کہیں گل پھاڑتے دامن کہیں نالہ بلب بلبل ، کہیں ہنستا ہوا گلشن   کہیں افسردہ شاخِ غم، کہیں ہے خوف کی جھاڑی کہیں سرسبز ہے کھیتی، کہیں سوکھے پڑےخرمن   کہیں منظر بہ منظر ہے حسیں تر ، دید کے قابل کہیں شیخ و ہرہمن کی ، کہیں جنگ زمین و زن   یہ فرحت کی جگہ ہرگز نہیں عبرت کی جا ہے یہ کہیں روشن بھی ہےظلمت،کہیں ظلمت بھی ہےروشن   باندازِ وفا جور و جفا بھی رہتی ہے جاری سحرؔ پرہیز از دنیائے رنگ و بو و مکر وفن

• Shabbir Sahar Aurangabadi
• 23/06/2023

الف سے اللہ اسمِ ذات ہے با سے باقی اس کی صفات ہے   تا سے توبہ کر دنیا سے ثا سے ثابت رہ مولیٰ سے   جیم سے جنت تیرا گھر ہے حا سے حق کی چاہ اگر ہے   خا سے خدمت کر مرشد کی خدا نما ہے اس کی ہستی   دال سے دل اللہ کا گھر ہے ذال سے ذاکر قلب اگر ہے   را سے ریاضت کا پھل توڑو زا سے زہدِ نفس نہ چھوڑو   سین سے سجدے میں کھو جاؤ شین سے شرک و دوئی مٹاؤ   صاد سے صوفی صافی ہو جا...

• Daiye Islam Sheikh Abu Saeed
• 13/06/2023

دعائیہ حمد اے خالق و مالک جگ داتا گُن گان ہے تیری وحدت کا   کس طرح تجھے دیکھوں میں بھلا تو رنگ اور روپ سے ہے نیارا ہر آن ہے تیری شان جدا اے خالق و مالک جگ داتا   اے خالق و مالک جگ داتا گُن گان ہے تیری وحدت کا   کس طرح کروں تری حمد و ثنا تو سب سے الگ تو سب سے جدا تو سب سے غنی تو سب سے بڑا اے خالق و مالک جگ داتا   اے خالق و مالک جگ داتا گُن گان ہے تیری وحدت کا   اوّل بھی توہی...

• Daiye Islam Sheikh Abu Saeed
• 13/06/2023