Monday, January 30, 2023

مسلم قائدین یوسفی مزاج کے حامل ہوں

۲۶؍مارچ ۲۰۱۴ ءبروز بدھ بعد نماز مغرب مرشدی حضورداعی اسلام ادام اللہ ظلہ علیناکی بارگاہ میں راقم اپنے خواجہ تاش محترم ساجد سعیدی کے ہمراہ حاضر تھا کہ مولانا فہد سعیدی مصباحی اجازت پاکردومہمانوںکے ساتھ حاضر خدمت ہوئے ، دونوں مہمان صورتاً عالم تھے، اُن دونوں میں سے ایک نے مسلمانوںکی ایک سیاسی وسماجی جماعت کی نمائندگی کرتے ہوئے عرض کیا: حضرت !اس بار الیکشن میں ہماری جماعت ایک خاص سیاسی پارٹی کی حمایت کررہی ہے ،اگر آپ کی بھی حمایت مل جاتی تو اچھا ہوتا ۔

حضورداعی اسلام نے فرمایا کہ میں نہ کسی سیاسی جماعت سے تعلق رکھتا ہوں اور نہ کسی جماعت کی حمایت یامخالفت میں کوئی بیان دیتا ہوں، میرے پیروں نےمجھے لوگوں کی خدمت اور اُن کی اصلاح وتربیت کے لیے یہاںبٹھایا ہے اور اسی کام کو انجام دینے کی کوشش میں لگا ہوں۔
مزید گفتگو ہوتی رہی،اسی درمیان حضورداعی اسلام نے فرمایا : میرا خیال ہے کہ مسلمانوں کی طرف سے وہی شخص سیاست کے میدان میں آئے جو یوسفی مزاج کا حامل ہواور اس کے اندریہ تین حسن ضرور ہوں؛

۱.  جن بھائیوں نے قتل کی کوشش کی ہو ،اگر اُن پر قدرت مل جا ئے تب بھی اُن کے ساتھ رحم وکرم کا معاملہ کرے۔

۲. اگر کوئی زلیخا کی طرح اپنی طرف اس کولبھاناچاہے تو یوسف کی طرح اپنادامن داغدار ہونے سے بچا لے جائے۔

۳.  اگر کافر ومشرک بادشاہ بھی اپنے خزانے کا نگراںبنا دے تو صداقت وامانت کا دامن ہاتھ سے نہ جانےدے۔

اگر کسی کے اندر اتنی ہمت نہ ہو تو اس میدان میں نہ آئے ،بلکہ اپنی آخرت کی فکرکرے:

بو الہوس! پاوں نہ رکھیو کبھی اس راہ کے بیچ

خضرِراہ ، مئی ۲۰۱۴ء

Share

Latest Updates

Frequently Asked Questions

Related Articles

اہل عقیدہ کے پانچ طبقات

حضور داعی اسلام دام ظلہ العالی کی خدمت میں علما کی ایک جماعت کے...

نبی کریم صلی اللہ علیہ وسلم کی بعثت کا مقصد

عارف باللہ مرشدی حضور داعی اسلام ادام اللہ ظلہ علینا نے ایک مجلس میں...

اللہ جیسے چاہے اپنا دیدار کرائے

۲۷؍اگست ۲۰۱۶ء بعد نمازِ مغرب حضرت داعی اسلام دام ظلہ کی ہفتہ واری عرفانی...

عوام اور خواص کے عمل میں فرق

سلطان العارفین حضرت مخدوم شاہ عارف صفی قدس سرہٗ کے۱۱۷؍ویں عرس کے موقع پر...