Monday, January 30, 2023

خانقاہ عارفیہ میں مخدوم شاہ صفی قدس سرہٗ کی یاد میں ایک محفل

۳۰ ؍ستمبر ۲۰۱۸ ء بروز اتوار بعد نماز ظہر خانقاہ عارفیہ ، سید سراواں شریف کی جامع مسجد میں حضرت مخدوم شاہ صفی قدس سرہ کے۴۹۵  سالانہ عرس کے موقع پر محفل کا انعقاد کیا گیا جس میں مولانا محمد ضیاءالرحمٰن علیمی نے حضرت مخدوم صاحب کی سیرت اور تعلیمات پر جامع خطاب فرمایا ۔ خطاب کے درمیان آپ نے فرمایا کہ ہندوستان میں عمومی طور پر جو صوفی سلسلےرائج ہیں ان میں اکثر سلسلوں کی کڑی صفی پور ،اناؤ میں آرام فرما بزرگ مخدوم شاہ صفی قدس سرہٗ تک پہنچتی ہے ؛گویا ہندوستان میں آپ منبع سلاسل کی حیثیت رکھتے ہیں ۔ علیمی صاحب نے آپ کی شخصیت کے مختلف پہلو ؤں پر روشنی ڈالتے ہوئے بتایا کہ صوفی جاہل نہیں بلکہ عالم ہوتا ہے اور صوفی کا مشن خلق خدا کو علم و عمل کے ساتھ اخلاقی خوبیوں سے آراستہ و پیراستہ کرنااور قوم وملت کے لیے نفع بخش افراد تیار کرنا ہے جس کی جیتی جاگتی مثال حضرت مخدوم صاحب کی ذات تھی ۔ اخیر میں آپ نے سامعین کو نصیحتوں سے نوازتے ہوئے فرمایا کہ صوفیا کے مشن پر چل کر ہی ہم دنیا و آخرت میں کامیاب و کامران ہوں گے اور انہیں کا راستہ واحد راستہ ہے جس پر گامزن ہو کر بڑھتے پر تشدد ماحول اور دین بے زار افکار کو ہم امن و آشتی کا گہوارہ اور اخلاص و للہیت کا پیکر بنا سکتے ہیں ۔
 اس موقع پر جامعہ عارفیہ کے اساتذہ اور طلبہ کے علاوہ دیگر وافدین بھی موجود تھے ۔

Share

Latest Updates

Frequently Asked Questions

Related Articles

انصاف قائم کیے بغیرسماج میں امن وشانتی نہیں ہو سکتی۔ عبید اللہ خان اعظمی

خانقاہ عارفیہ ، سید سراواں میں امن وشانتی کا پیغام انسانیت کے نام کے...

اہل حق حیلہ سازی نہیں، جاں نثاری کرتے ہیں

خانقاہ عارفیہ ، سیدسراواں میں ذکر شہادتین کی محفل کا انعقاد سید سراواں ، الٰہ...

خطبہ داعی اسلام بموقع امن وایکتا سمیلن

تالکٹورہ اسٹیڈیم، نئی دہلی، بتاریخ ۵؍ اگست ۲۰۱۹ء اس وقت ملک کے جو حالات ہیں...

اسلام تمام نسل انسانی کی حفاظت کا ضامن ہے : مولانا عارف اقبال

خانقاہ عارفیہ میں ۳ ؍روزہ سلطان العارفین مخدوم شاہ عارف صفی محمدی کا ۱۲۰...