Monday, January 30, 2023

کشف اورمعیارِولایت

ایک مرتبہ حضرت داعی اسلام مدظلہ العالی کی مجلس بافیض میں حاضری کی سعادت حاصل ہوئی۔ آپ نے کشف پر گفتگو کرتے ہوئے ارشادفرمایاکہ کشف دوطرح کا ہوتاہے: ۱۔کشف کونی ۲۔ کشف ایمانی 
کشف کونی یہ ہے کہ کس کے گھر میں کیاہے اور کون اپنے دل میں کیاسوچ رہاہے ،اس طرح کی باتیں کسی پرمنکشف ہوجائیںتویہ معیار ولایت نہیں، کیوں کہ صفت تو سادھوؤں اورجوگیوں کوبھی ان کی ریاضتوں کے ذریعے حاصل ہوجاتی ہے،بلکہ ایسا توشیطان کوبھی حاصل ہے کہ وہ لوگوں کی نیتوں پر مطلع ہوکر ان کو بھٹکانے کے لیے وسوسہ ڈالتاہے۔
کشف ایمانی یہ ہے کہ انسان پر دنیا،نفس و شیطان کی حقیقت اوران کے مکروفریب یوں ہی جہنم کی ہولناکیوں اور جنت کی کامیابیوں کا کشف ہوجائے،اقرارلسانی تصدیق قلبی میں تبدیل ہوجائے اورپھرایمان غیبی ایمان شہودی میں بدل جائے۔اسی معنی میںاللہ تعالیٰ ارشادفرماتاہے:فَكَشَفْنَا عَنْكَ غِطَاءَكَ فَبَصَرُكَ الْيَوْمَ حَدِيدٌ۝۲۲(سورۂ ق) 
ترجمہ: ہم نے تم سے تمہاراحجاب دورکردیا ہےتو آج تمہاری نگاہ تیز ہوگئی ہے۔
یہ قیامت کے دن کی بات ہےکہ اس روز سب کودنیا ،نفس وشیطان اورآخرت کی حقیقت کاکشف ہوجائےگا، اور اس وقت کافر دنیامیں لوٹنے اوراعمال صالحہ کرنے کی تمنابھی کرے گالیکن اللہ کے بندوں پران چیزوں کی حقیقت کا کشف دنیا ہی میں ہوجاتاہے اوراسی وجہ سے وہ دنیامیں رہتے ہوئے بھی دنیا سے جدا ہوکر،اپنے مولیٰ سے تعلق رکھنے والے اور اس کے احکام کی اطاعت کرنے والے ہوتے ہیں اور یہ کشف ایمانی یقینی طورپر معیار ولایت ہے۔

خضرِراہ فروری ۲۰۱۵ء

Share

Latest Updates

Frequently Asked Questions

Related Articles

اہل عقیدہ کے پانچ طبقات

حضور داعی اسلام دام ظلہ العالی کی خدمت میں علما کی ایک جماعت کے...

نبی کریم صلی اللہ علیہ وسلم کی بعثت کا مقصد

عارف باللہ مرشدی حضور داعی اسلام ادام اللہ ظلہ علینا نے ایک مجلس میں...

اللہ جیسے چاہے اپنا دیدار کرائے

۲۷؍اگست ۲۰۱۶ء بعد نمازِ مغرب حضرت داعی اسلام دام ظلہ کی ہفتہ واری عرفانی...

عوام اور خواص کے عمل میں فرق

سلطان العارفین حضرت مخدوم شاہ عارف صفی قدس سرہٗ کے۱۱۷؍ویں عرس کے موقع پر...