Monday, January 30, 2023

دنیامومن کے لیےقیدخانہ ہے

۹؍ محرم الحرام ۱۴۳۵ھ بعد نماز مغرب قصبہ سید سراواں شریف میں عوام الناس کے اہتمام سے ذکر شہدائے کربلا کا انعقاد تھا جس میں جامعہ عارفیہ کے ایک طالب علم نے اپنی تقریر کے درمیان اَلدُّنْیَا سِجْنُ الْمُوْمِنِ وَجَنَّۃُ الْکَافِرِکا ذکر کیا۔ اسی درمیان مرشدی حضور داعی اسلام ادام اللہ ظلہ علینااس محفل میں تشریف لائے،اورتقریر کے اختتام پر آپ نے مذکورہ قول کے ضمن میں فرمایا کہ یہ دنیا مومن کے لیے قید خانہ ہے ،اس کی دو وجہ سمجھ میں آتی ہے:
۱۔ مومن دنیا میں اپنی خواہش کی پیروی نہیں کرسکتا،جب کہ کافر آزاد ہے جو چاہے کرے۔
۲۔ مومن جب دنیامیں اللہ ورسول کے احکام اور اس کی مرضی کے مطابق اپنی زندگی بسر کرے گا، پھراپنے رب کے پاس حاضر ہوگا اوروہ اپنے ان فرماںبردار بندوں کو انعامات سے سرفراز کرے گا ،جنت جیسی عظیم نعمت عطا کرے گا تو مومن بندہ جنت کی کشادگی اور اس کی نعمتوں کے سامنے اس دنیا کو جس میں اس وقت ہم موجود ہیں،یاد کرے گا اور کہے گا کہ اب ہم کو حقیقی آزادی ملی ہے ورنہ اب تک ہم قید خانے میں پڑے ہوئے تھے ۔اسی طرح کافرجب عذاب جہنم چکھےگا تواُسے احساس ہوگاکہ دنیاہی اس کے لیے جنت اورنعمتوں کاگہوارہ تھی۔ واللہ اعلم بالصواب

خضرِ راہ ، مارچ ۲۰۱۵ء

Share

Latest Updates

Frequently Asked Questions

Related Articles

اہل عقیدہ کے پانچ طبقات

حضور داعی اسلام دام ظلہ العالی کی خدمت میں علما کی ایک جماعت کے...

نبی کریم صلی اللہ علیہ وسلم کی بعثت کا مقصد

عارف باللہ مرشدی حضور داعی اسلام ادام اللہ ظلہ علینا نے ایک مجلس میں...

اللہ جیسے چاہے اپنا دیدار کرائے

۲۷؍اگست ۲۰۱۶ء بعد نمازِ مغرب حضرت داعی اسلام دام ظلہ کی ہفتہ واری عرفانی...

عوام اور خواص کے عمل میں فرق

سلطان العارفین حضرت مخدوم شاہ عارف صفی قدس سرہٗ کے۱۱۷؍ویں عرس کے موقع پر...